AWI-ը հիմնադրվել է 2001թ. գործարար և բարերար Հրաչ Կապրիելյանի կողմից, ով նպատակ է ունեցել իր հայրենի Հայաստանում հիմնել բարձրորակ ժամացույցների արտադրություն՝ ներառող դրա ողջ փուլերը: Ընկերությունը մեծ դեր է ունեցել Հայաստանի Հանրապետությունում ժամագործության կայացման գործում, և AWI ապրանքանիշին հաջողվել է ստեղծել հուսալիության ու հարատևության գրավական:

Տեղակայված լինելով ՀՀ մայրաքաղաքում՝ Երևանի սրտում, և զբաղեցնելով ավելի քան 2000 մ² տարածք՝ AWI-ի գործարանը ծավալում է իր գործունեությունը՝ սկսած ժամացույցների դիզայնից ու նախագծումից մինչև դետալների արտադրություն, հավաքում և որակի հսկողություն:

Արտադրամասի թիմը կազմված է արհեստավարժ, արտերկրում վերապատրաստված ժամագործներից ու ինժեներներից, ում գիտելիքներն ու հմտությունները համարվում են ընկերության թերևս ամենակարևոր արժեքը:

Ժամացույցների դիզայնի և մշակման պրոցեսում օգտագործվում են գերժամանակակից համակարգչային ծրագրեր: Արտադրության, հավաքման և թեստավորման ողջ ընթացքում գործածվում են վերջին սերնդի սարքավորումներ և գործիքներ:

Անցնելով ճշգրտության զննումներ՝ շվեյցարական և ճապոնական առաջատար արտադրողների լավագույն մեխանիզմները տեղադրվում են AWI ժամացույցներում:

Յուրաքանչյուր AWI ժամացույց նախագծված և արտադրված է ամենաբարձր ստանդարտներին համապատասխանելու համար: Ժամացույցների ստեղծման բոլոր փուլերում մեզ համար առաջնայինը դրանց կրողների՝ իրենց ընտրությամբ լիովին բավարարված լինելու ապահովումն է:

2021 թվականին AWI-ը նշում է իր հիմնադրման 20-ամյակը՝ նշանավորելով այն արժեքները, որոնք ձևավորել են ապրանքանիշի ինքնությունը՝ բարձր որակը, նրբաճաշակությունը, շարունակական ներդրումները նորարարություններում և, միևնույն ժամանակ, ողջամիտ գները: