Ստեղծված որպես սահմանափակ թողարկման մոդել՝ ի նշանավորումն AWI International-ի 25-ամյակի, այս նրբագեղ ժամացույցն առանձնանում է գեղարվեստական մանրաքանդակով, մինչդեռ բուն թվատախտակը հասցված է ժամանակի ընթեռնելի ցուցադրման նվազագույն չափի։ Սրա շնորհիվ կրողի դաստակն օժտվում է Հայկական լեռնաշխարհի ամենաբարձր գագաթի՝ վեհաշուք Արարատ լեռան արևաշող բնապատկերով, իսկ առաջին պլանը զարդարված է հայկական երեք տեսակի գունագեղ էնդեմիկ ծաղիկներով՝ Կռնկենի հայկական (Geranium psilostemon), Շուշան հայկական (Lilium armenum) և Վարդապետիկ հայկական (Muscari armeniacum)։
Շվեյցարական ճշգրիտ քվարցային մեխանիզմով աշխատող այս ժամացույցի հենամարմնից բացակայում է ավանդական գլխիկը, ինչով այն վերածվում է արվեստի գործը բոլորող ներդաշնակ շրջանակի․ ժամանակի կարգավորումը կատարվում է ետնամասում՝ կափարիչին առկա սեղմակոճակի միջոցով։