Երաշխիքային պայմաններին ու դրույթներին համաձայն՝ «Էյ Դաբլյու Այ Գրուպ» ՓԲԸ-ն Ձեր AWI ժամացույցին տալիս է 1 տարվա երաշխիք՝ ձեռքբերման ամսաթվից սկսած: Երաշխիքը տարածվում է արտադրական բոլոր դեֆեկտների վրա:

Երաշխիքային ժամանակահատվածի ընթացքում, ձեռքբերման սրահ ներկայացնելով ժամացույցի վավերական (պատշաճ կերպով լրացված, ստորագրությամբ / կնքված) երաշխիքային հավաստագիրը, դուք ունեք անվճար երաշխիքային սպասարկում ստանալու իրավունք:

Երաշխիքը չի վերաբերվում.

  • ժամացույցի որևէ մասի վնասվածքի կամ կոտրվածքի, որն առաջացել է ոչ ճիշտ օգտագործման, անփութության, ոչ բավարար խնամքի կամ պատահարների (հարված, բախում և այլն) հետևանքով,
  • ժամացույցի ոչ պատշաճ օգտագործման կամ «Գործածման և Խնամքի Կանոններ»-ի չպահպանման հետևանքով առաջացած անսարքության,
  • բնական մաշվածքին և հնանալուն (օրինակ՝ ապակու քերծվածքներ, գոտիների և թևնոցների տեսքի և գույնի փոփոխություն, ծածկույթի շերտավորում և այլն),
  • մարտկոցի լիքցաթափմանը,
  • երրորդ անձի (ոչ «Էյ Դաբլյու Այ Գրուպ» ՓԲԸ կամ դրա ներկայացուցչի մասնագետ) կողմից որևէ ներգործության (վերանորոգում, սպասարկում, անգամ մարտկոցի տեղադրում) ենթարկված ժամացույցի, ինչպես նաև ժամացույցի, որի սկզբնական հատկությունները ենթարկվել են փոփոխության առանց արտադրողի մասնակցության:

ԻՆՔՆԱԼԱՐՎՈՂ ՄՈԴԵԼՆԵՐ

Ինքնալարվող (ավտոմատ) մեխանիզմներն էներգիան կուտակում են ժամացույցը կրողի ձեռքի շարժման հաշվին:

Եթե ժամացույցը որոշ ժամանակ չեն կրել, և դրա էներգիան նվազել է, խորհուրդ է տրվում ձեռքով լարել ժամացույցը՝ պտտելով գլխիկը ժամը 12-ի ուղղությամբ 20-30 անգամ:

Խորհուրդ չի տրվում ինքնալարվող ժամացույցը լարելու նպատակով թափահարել: Սա անարդյունավետ է և կարող է վնասել մեխանիզմը:

ՔՎԱՐՑԱՅԻՆ ՄՈԴԵԼՆԵՐ

Քվարցային ժամացույցները գործարկվում են մարտկոցի միջոցով: Խորհուրդ է տրվում ամբողջությամբ լիցքաթափված մարտկոցը երկար ժամանակ չթողնել ժամացույցի մեջ, քանի որ դա կարող է հանգեցնել քիմիական նյութերի արտահոսքի, որը կվնասի ժամացույցի մեխանիզմը:

Որակի մեր չափանիշներին համահունչ աշխատանք ապահովելու, ինչպես նաև երաշխիքի պայմաններին հետևելու համար, կարևոր է, որ մարտկոցը փոխարինի «Էյ Դաբլյու Այ Գրուպ» ՓԲԸ կամ դրա ներկայացուցչի մասնագետը:

ԱՄՍԱԹՎԻ ԿԱՐԳԱՎՈՐՈՒՄ

Խորհուրդ չի տրվում ամսաթիվը փոխել ժամը 21-ից մինչև ժամը 03-ն ընկած ժամանակահատվածում, երբ ամսաթիվը փոխվում է ավտոմատ կերպով, և ձեռքով կարգավորումները կարող են հանգեցնել մեխանիզմի վնասմանը:

ՋՈՒՐ

Անգամ եթե Ձեր ժամացույցը ջրակայուն է, ջրի ներթափանցումից խուսափելու նպատակով անհրաժեշտ է հետևել, որպեսզի ժամացույցի գլխիկը լինի ներս հրված (պտուտակային գլխիկով մոդելների դեպքում՝ մինչև վերջ ձգված): Չի կարելի օգտագործել սեղմակները (խրոնոգրաֆ մոդելների դեպքում), երբ ժամացույցը ջրի հետ շփման մեջ է:

ՋԵՐՄԱՍՏԻՃԱՆ

Անհրաժեշտ է խուսափել չկրվող ժամացույցի գերտաքացումից (45°C-ից կամ 113°F-ից բարձր) և գերսառեցումից (-5°C-ից կամ 23°F-ից ցածր): Չի կարելի ենթարկել ժամացույցը ջերմաստիճանի կտրուկ փոփոխությունների (օրինակ՝ շոգեբաղնիք մտնել):

ՎՆԱՍԱԿԱՐ ՆՅՈՒԹԵՐ

Անհրաժեշտ է խուսափել քիմիական լուծիչների, լվացող միջոցների, օծանելիքի և կոսմետիկ միջոցների հետ շփումից, քանի որ դրանք կարող են վնասել հենամարմնի կամ շղթայի ծածկույթը, ինչպես նաև ժամացույցի ջրակայունությունը ապահովող ռետինե միջադիրները:

ՄԱԳՆԻՍԱԿԱՆ ԴԱՇՏ

Մագնիսական դաշտերը կարող են ժամանակավորապես խաթարել ժամացույցի մեխանիզմի գործողությունը, կամ անգամ կանգնեցնել այն: Հետևաբար խորհուրդ է տրվում ժամացույցը հեռու պահել մագնիսական դաշտ արձակող սարքերից ու առարկաներից (օրինակ՝ մագնիս, բարձրախոս, սառնարան և այլն):

Այս պատուհանը կփակվի 20 վ հետո
Ajax Loading